Nokkuð er um reglubreytingar sem taka gildi á komandi tímabili og hér má sjá yfirlit yfir helstu breytingar sem FIVB og CEV hafa tekið í notkun:
Skuggi (Breyting sem tók gildi undir lok síðasta tímabils):
- Liðum er óheimilt að mynda skugga með hópamyndun eða með því að hafa hendur fyrir ofan haus.
Uppstilling uppgjafarliðs:
- Áður: Leikmenn uppgjafarliðs þurftu að standa í sínum stöðum samkvæmt sendiröð þegar uppgjafari gaf upp.
- Núna: Leikmönnum uppgjafarliðs er heimilt að standa hvar sem er (innan síns leikvallar) þegar uppgjafari gefur upp
Uppstilling móttökuliðs:
- Áður: Leikmenn móttökuliðs máttu ekki hlaupa úr stöðum fyrr en uppgjafari sló boltann.
- Núna: Leikmönnum móttökuliðs er heimilt að hlaupa úr stöðum um leið og uppgjafari sleppir boltanum.
Hvenær bolti sem fer út fyrir antennu er dæmdur út:
- Áður: Dómari þurfti að bíða eftir því að lið kláruðu sínar þrjár snertingar áður en hann dæmir bolta út sem fer út fyrir antennu.
- Núna: Dómari flautar bolta út um leið og hann fer út fyrir antennu þegar lið er búið með tvær eða þrjár snertingar
Tvíslag:
Tvíslag í fingurslagi er eingöngu dæmt þegar óhreint slag eftir fingurslag fer yfir net í annarri eða þriðju snertingu. (Enn er dæmt tvíslag þegar leikmaður snertir boltann tvisvar)
Nánari yfirlit yfir breytingar fyrir komandi tímabil má sjá hér:
Yfirlit yfir breytingar fyrir komandi tímabil
