Einn leikur fór fram í Unbroken deild kvenna í dag þegar Afturelding tók á móti Völsung í Mosfellsbæ.
Gestirnir frá Húsavík voru með góð tök á leiknum fyrstu tvær hrinurnar, eftir að hafa jafnað 5-5 í fyrstu hrinu þá voru Völsungur með forystuna út hrinuna. Völsungur vann fyrstu hrinu með 8 stiga mun. 25-17. Svipað var uppá teningnum í annarri hrinu en hana vann Völsungur 25-19.
Þriðja hrina var hinsvegar töluvert jafnari og mikil spenna er liðin skiptust á stigum. Að lokum voru það gestirnir sem höfðu betur 25-23 og vinna leikinn því 3-0.
Afturelding – Völsungur 0-3 (17-25, 19-25, 23-25)
Stigahæst í leiknum var spilandi þjálfari Völsungs, Taylor Nicole Horsfall með 18 stig. Stigahæst í liði Aftureldingar var Tamara Kaposi með 9 stig.
Völsungur fer með sigrinum uppfyrir Aftureldingu í 4.sæti Unbroken deildar kvenna með 3 stig.
Liðin mætast svo aftur á morgun kl 13:00
