Í dag fóru fram undanúrslit á Heimsmeistaramóti kvenna í Tælandi.
Fyrri leikurinn var viðureign Japan og Tyrklands þar sem Tyrkland sigraði 3-1 (16-25, 25-17, 25-18, 27-25)
Tyrkland er því að komast í úrslitaleik á Heimsmeistaramótinu í fyrsta skipti í sögunni en tyrkir eru ríkjandi Evrópumeistarar.
Stigahæst í leiknum var Melissa Teresa Vargas leikmaður Tyrklands með 28 stig en Vargas hefur skorað 119 stig á mótinu til þessa, þ.a. 106 úr sókn.
Seinni leikur dagsins var æsispennandi viðureign Ítalíu og Brasilíu en sá leikur endaði með sigri Ítalíu 3-2 (22–25, 25–22, 28–30, 25–22, 15-13)
Ítalía á þar með möguleika á að ná sér í sín önnur gullverðlaun á Heimsmeistaramóti kvenna en Ítalía varð síðast heimsmeistari árið 2002 eftir sigur á Bandaríkjunum.
Stigahæst í leiknum var hin brasilíska Gabriela Braga Guimaraes með 29 stig en hún hefur skorað 107 stig á mótinu til þessa.
Bronsleikur á HM kvenna 2025
- Japan – Brasilía, 08:30 – 7 september
Úrslitaleikur á HM kvenna 2025
- Tyrkland – Ítalía, 12:30 – 7 september
