Tveir leikir fóru fram í Neskaupstað í dag þegar Þróttur Fjarðarbyggð tók á móti Þrótti Reykjavík bæði í Unbroken deild karla og kvenna.
Fyrri leikur dagsins var viðureign liðanna í Unbroken deild karla. Leikurinn var jafn og spennandi en heimamenn fóru vel af stað og unnu fyrstu hrinu 25-23, eftir að hafa verið 13-18 undir. Gestirnir frá Reykjavík hrukku þá í gang og tóku næstu þrjár hrinur 25-23, 25-19, 25-20.
Stigahæstur í leiknum var Raul Garcia Asensio leikmaður Þróttar Fjarðarbyggðar með 22 stig. Stigahæstur í liði gestanna var Przemyslaw Stasiek með 14 stig.
Þróttur Fjarðarbyggð – Þróttur Reykjavík 1-3 (25-23, 23-25, 19-25, 20-25)
Seinni leikur dagsins í Neskaupstað var viðureign sömu liða í Unbroken deild kvenna. Sá leikur náði ekki sömu spennu og karlaleikurinn en Þróttur Reykjavík sigraði leikinn með miklum yfirburðum 3-0.
Þróttur Fjarðarbyggð – Þróttur Reykjavík / BFH 0-3 (15-25, 12-25, 10-25)
Stigahæst í leiknum var Nejira Zahirovic leikmaður Þróttar Reykjavíkur / BFH með 14 stig. Stigahæst í liði Þróttar Fjarðarbyggðar var Hrefna Ágústa Marinósdóttir með 6 stig.
