KA varð í dag Meistari meistaranna í karlaflokki en Meistarakeppni BLÍ fer fram á Akureyri.
KA og Þróttur Reykjavík mættust í Meistarakeppni BLÍ í dag en leikið var í KA heimilinu.
Leikið er eftir ýmsum nýjum reglum og reglubreytingum í vetur og m.a. sú breyting að inná vellinum verða að vera að lágmarki 2 íslenskir leikmenn hverju sinni.
Byrjunarlið KA: Gísli Marteinn, Zdravko Kamenov (fyrirliði), Marcel Pospiech, Alexander Arnar, Ágúst Leó, Jakub Pospiech
Byrjunarlið Þróttar Reykjavíkur: Alexander (fyrirliði), Mateusz Ruxinski, Przemyslaw Stasiek, Karol Kubisz, Ólafur Finnbogi, Kacper Kedra
KA byrjaði leikinn vel og tók fyrstu hrinu 25-23, jöfn og spennandi hrina en það var einna helst sterk hávörn KA sem Þróttur Reykjavík réði illa við. Þróttur jafnaði svo leikinn með sigri í annarri hrinu sem einnig fór 25-23.
Þróttur komst svo yfir í leiknum með sigri í þriðju hrinu 25-21 og komnir í væna stöðu. KA beit hinsvegar frá sér og sigraði fjórðu hrinu 27-25 eftir mikla baráttu. KA fullkomnaði svo endurkomu sigur með sigri í oddahrinu 15-13.
KA eru því Meistarar meistaranna árið 2025!
