Í dag fer fram úrslitaleikur á Heimsmeistaramóti félagsliða í kvennaflokki en þar mætast ítölsku liðin Savino Del Bene Scandicci og Prosecco DOC Imoco Conegliano.
Savino Del Bene Scandicci hafði betur gegn brasilíska liðinu Dentil Praia Clube í undanúrslitum 3-0 (25-23, 26-24, 25-19). Stigahæst í leiknum var hin 22 ára Ekaterina Antropova leikmaður Scandicci með 20 stig. Stigahæst í liði Dentil Praia var hin 24 ára gamla Morgahn Fingall með 17 stig.
Prosecco DOC Imoco Conegliano mætti svo brasilíska liðinu Osasco São Cristóvão Saúde og hafði betur 3-1 (21-25, 25-23, 25-16, 25-16). Stigahæst í leiknum var Gabriela Braga Guimaraes (Gabi) leikmaður Imoco Volley með 18 stig. Stigahæst í liði Osasco var Caitlin Baird með 17 stig.
Úrslitaleikurinn sjálfur fer fram kl 19:30 en þar mætast eins og áður hefur komið fram, ítölsku liðin Scandicci og Imoco Volley en liðin eru sem stendur í efstu tveimur sætum ítölsku deildarinnar, Imoco taplausar á toppnum en Scandicci 6 stigum á eftir.
Imoco Volley er eitt sigursælasta lið í Evrópsku kvennablaki seinustu ár en auk þess að vera ríkjandi Ítalíumeistarar þá eru þær einnig ríkjandi heims og evrópumeistarar. Í liði Imoco Volley eru nokkrar af bestu leikmönnum heims og má þar helst nefna:
Gabriela Guimarães, Gabi (Brasilía)
Zhu Ting (Kína)
Isabelle Haak (Svíþjóð)
Joanna Wołosz (Pólland)
Monica De Gennaro (Ítalía)
Úrslitaleikurinn sjálfur fer fram kl 19:30 en hann má sjá á VolleyballWorldTV
