Ítalía, Pólland, Japan og Brasilía eru öll komin áfram í undanúrslit VNL en úrslitahelgin fer fram þessa dagana í Lodz í Póllandi.
8 liða úrslit hófust í gær á viðureign Ítalíu og Bandaríkjana þar sem Ítalía hafði betur 3-0 (25-22, 25-21, 28,26). Stigahæst í leiknum var Paola Egonu leikmaður Ítalíu með 20 stig.
Seinni leikur gærdagsins var viðureign Póllands og Kína en Pólland hafði þar betur 3-2 (17–25, 25–20, 19–25, 25–19, 15–12). Stigahæstar í leiknum voru Magdalena Stysiak leikmaður Póllands og Wu Mengjie leikmaður Kína, báðar með 25 stig.
8 liða úrslit héldu svo áfram í dag þegar Japan og Tyrkland mættust í fyrri leik dagsins en þar hafði Japan betur 3-2 (25–21, 16–25, 25–20, 22–25, 15–9). Stigahæst í leiknum var Melissa Teresa Vargas leikmaður Tyrklands með 22 stig.
Seinni leikur dagsins og síðasti leikur 8 liða úrslita var svo viðureign Brasilíu og Þýskalands en þeim leik lauk með sigri Brasilíu 3-0 (25–19, 26–24, 25–14) Stigahæst í leiknum var Rosamaria Montibeller leikmaður Brasilíu með 13 stig.
Undanúrslit fara svo fram 26. júlí en þar mætast Ítalía og Pólland og svo Brasilía og Japan
