Það verða Ítalía og Pólland sem mætast í úrslitaleik VNL karla 2025 eftir sigra í undanúrslitum í dag.
Ítalía og Slóvenía mættust í fyrri leik undanúrslita í dag en Ítalía vann þann leik 3-1 (25–22, 22–25, 25–21, 25–18). Stigahæstur í leiknum var Alessandro Michieletto leikmaður Ítalíu með 26 stig. Stigahæstur í liði Slóveníu var Rok Možič með 14 stig.
Seinni leikur dagsins var viðureign Brasilíu og Póllands og unnu Pólland þann leik nokkuð óvænt 3-0 (28–26, 25-19, 25-21). Stigahæstur í liði Póllands var Kewin Sasak með 18 stig. Stigahæstur í liði Brasilíu var Darlan Souza með 16 stig.
Það verða því Pólland og Ítalía sem mætast í úrslitaleik VNL 2025 en leikurinn fer fram sunnudaginn 3.ágúst kl 11:00
