Undanúrslit í Kjörísbikar karla fara fram í dag en seinni leikur dagsins er viðureign Hamars og Þróttar Fjarðabyggðar og hefst leikurinn kl 19:30 en leikið er að venju í Digranesi.
Við hitum upp með smá samantekt um liðin.
Hamar
Hamarsmenn urðu deildarmeistarar í Unbroken deild karla með 53 stig af 63 mögulegum. Þar náði liðið í 18 sigra og tapaði aðeins þremur leikjum.
Stigahæsti leikmaður Hamars í deildarkeppninni var Denis Pavlovs með 378 stig en hann var stigahæsti leikmaður deildarinnar.
Gengi Hamars í bikarkeppninni:
Hamar hefur orðið bikarmeistari fjórum sinnum en liðið vann bikarkeppnina fjögur ár í röð (2021-2024).
Leið Hamars í undanúrslit:
Hamar mætti KA í stórleik 8-liða úrslitanna en KA eru ríkjandi bikarmeistarar. Hamar vann leikinn 3-0 þrátt fyrir jafnan og spennandi leik (25-21, 25-22, 25-19).
Þróttur Fjarðabyggð
Þróttur Fjarðabyggð lauk keppni í 6.sæti með 22 stig af 63 mögulegum. Þróttur F vann sex leiki á tímabilinu en tapaði 15.
Stigahæsti leikmaður Þróttar F í deildarkeppninni var Raul Garcia Asensio með 369 stig.
Gengi Þróttar F í bikarkeppninni:
Þróttur F hefur aldrei unnið bikarkeppnina í karlaflokki en komst síðast í úrslitaleikinn árið 2024.
Leið Þróttar F í undanúrslit:
Þróttur Fjarðabyggð mætti HK í 8 liða úrslitum og vann sannfærandi 3-0 sigur (25-15, 25-19, 25-17)
Innbyrðis viðureignir liðanna (síðustu 3 leikir):
- 15.02.25 Þróttur F 0-3 Hamar (16-25, 19-25, 17-25)
- 09.11.25 Hamar 3-1 Þróttur F (25-21, 23-25, 25-14, 25-19)
- 08.11.25 Hamar 3-0 Þróttur F (26-24, 25-21, 26-24)
